இரா.இளம்பரிதி தமிழ்

மெர்சல்  திரைப்படம் முதல் நாளே வெளியிடப்படும் - தமிழ் ராக்கர்ஸ் மிரட்டல்.! நடிகர் விஜய் நடிப்பில், அட்லீ இயக்கத்தில், தேனாண்டாள் பிலிம்ஸ் நிறுவனம் தயாரித்துள்ள திரைப்படம் 'மெர்சல்'. சில நாட்களுக்கு முன்பு வெளியிடப்பட்ட இப்படத்தின் டீஸர் வெளியான சில மணி நேரங்களிலேயே அதிகளவில் பார்க்கப்பட்டு புதிய சாதனை படைத்துள்ளது. மேலும், உலகளவில் அதிக லைக்குளை பெற்றிருந்த விவேகம் படத்தின் டீஸர் சாதனைனையும் 'மெர்சல்' படம் முறியடித்தது. இந்நிலையில், மெர்சல்' படம் வெளியான முதல் நாளே அதன் தெளிவான விடியோ அடங்கிய முழுப் படமும் இணையத்தில் வெளியிடப்படும் என்று தமிழ் ராக்கர்ஸ் சார்பில் அதன் ட்விட்டர் பக்கத்தில் அறிவிக்கப்பட்டுள்ளது. முன்னதாக, இணையத்தில் திரைப்படங்களை வெளியிடும் நபர்களையும், தளங்களையும் முடக்கப்போவதாக தெரிவித்த நடிகர் விஷாலின் திரைப்படமான துப்பறிவாளன், வெளியான முதல் நாளே தமிழ் ராக்கர்ஸ் இணையதளத்தில் வெளியிடப்பட்டது குறிப்பிடத்தக்கது.

மாநில சுயாட்சி மாநாடு ; கேரள முதல்வருக்கு அழைப்பு விடுத்தார் திருமா.! மத்தியில் ஆட்சியுள்ள பாஜக அரசு தொடர்ச்சியாக மக்கள் நலனுக்கு, மாநில சுயாட்சி உரிமைகளுக்கு எதிராக செயற்பட்டுவருகிறது. நீட் விவகாரம், தமிழை வழக்காடு மொழியாக்குதல், கதிராமங்கலம்- நெடுவாசல் விவசாயிகள் வாழ்வாதார அழிப்பு பிரச்னை, இந்தி திணிப்பு, மறைந்த தலைவர்களை காவி மயமாக்க முயலுதல் போன்ற செயல்களில் தொடர்ச்சியாக ஈடுபட்டு, மாநில சுயாட்சி உரிமைகளுக்கு எதிராக தம்மை முன்னிறுத்துகிறது. இந்நிலையில் இன்று விடுதலைச் சிறுத்தைகள் கட்சியின் சார்பில் சென்னையில் மாநில சுயாட்சி மாநாடு நடத்தப்படுகிறது. இதில் கேரளா, புதுவை மாநில முதல்வர்களும், இடதுசாரி, திமுக உள்ளிட்ட கட்சிகளின் தலைவர்களும் பங்கேற்கின்றனர். இதில் கலந்துகொள்ள சென்னை வந்துள்ள கேரள முதல்வரைச் சந்தித்து அழைப்பிதழ் வழங்கினார் விசிக தலைவர் திருமா. இன்று மாலை நடக்கவுள்ள மாநாட்டில் இலட்சக்கணக்கானோர் திரள்வார்கள் என எதிர்பார்க்கப்படுகிறது.

நடுரோட்டில் பாலியல் துன்புறுத்தலுக்கு உள்ளான நடிகை.! பெங்காலி படங்களில் முக்கிய வேடங்களில் நடித்துப் பிரபலமானவர் நடிகை காஞ்சனா மொயித்ரா. கடந்த செவ்வாய்க்கிழமை படப்பிடிப்பு முடித்துவிட்டு நள்ளிரவில் காரில் வீடு திரும்பியிருக்கிறார். அவரை வழிமறித்த மூன்று பேர் நடிகையிடம் தவறாக நடக்க முயன்றிருக்கின்றனர். அங்கிருந்து தப்பிய நடிகை காவல் துறையில் புகார் அளித்துள்ளார். அது தொடர்பாக  இருவரை கைதுசெய்துள்ளனர் போலீசார். முன்னதாக, கேரள நடிகை பாவனா இதே போன்று காரில் கடத்தப்பட்டு பாலியல் துன்புறுத்தலுக்கு ஆளாக்கப்பட்டது குறிப்பிடத்தக்கது. பெண்களுக்கு அரசுகள் உரிய பாதுகாப்பு அளிக்கின்றனவா என்ற கேள்வி எல்லோர்க்கும் எழாமல் இல்லை.

குண்டர் சட்டத்தை உடைத்து வெளிவந்தார் - தோழர் திருமுருகன் காந்தி.!  கடந்த மே மாதம் 21 ஆம் தேதி சென்னை மெரினா கடற்கரையில், முள்ளிவாய்க்கால் என்னுமிடத்தில் கொல்லப்பட்ட தமிழர்களுக்காக நினைவேந்தல் நிகழ்ச்சியினை நடத்த மே 17 இயக்கத்தினால் திட்டமிடப்பட்டிருந்தது. ஆனால் அரசு சார்பில் இந்நிகழ்ச்சியினுக்கு அனுமதி மறுக்கப்பட்டது. தமிழக அரசின் தடையை மீறி நினைவேந்தல் நிகழ்ச்சியினை ஒருங்கிணைத்த மே 17 இயக்கத்தின் திருமுருகன் காந்தி, தமிழர் விடியல் கட்சியின் டைசன், இளமாறன், அருண்குமார் ஆகியோர் கைது செய்யப்பட்டனர். அவர்கள் மீது குண்டர் சட்டத்தினை பாய்ச்சியது எடப்பாடி தலைமையிலான தமிழக அரசு. நேற்று சென்னை உயர் நீதிமன்றம் திருமுருகன் காந்தி உள்ளிட்ட 4 பேர் மீதான குண்டர் சட்டத்தினை நீக்கி உத்தரவிட்டதனை அடுத்து, சென்னை புழல் சிறையிலிருந்து விடுதலையாகினர் திருமுருகன் காந்தி உள்ளிட்ட நால்வர். அவர்களுக்கு மே 17 இயக்க சார்பில் சிறப்பான வரவேற்பு அளிக்கப்பட்டது.

இரு மாநில முதல்வர்கள் பங்கேற்கும் விசிகவின் மாநில சுயாட்சி மாநாடு.! நாளை விடுதலைச் சிறுத்தைகள் கட்சியின் சார்பில் நாளை மாநில சுயாட்சி மாநாடு நடத்தப்படுகிறது. இதில் இடதுசாரிகள் உள்ளிட்ட எதிர்க்கட்சிகளும், புதுவை, கேரள முதல்வர்கள் பங்கேற்கின்றனர். இது தொடர்பாக விடுதலைச் சிறுத்தைகள் கட்சி தலைவர் திருமாவளவன் வெளியிட்டுள்ள அறிக்கையில் தெரிவித்துள்ளதாவது:  மாநில உரிமைகளும்- ஒற்றை ஆட்சி முறையும்  இந்திய அரசியலமைப்புச் சட்டம், மையத்தில் கூட்டாட்சி நிர்வாகம் அமைய வேண்டுமென வரையறுத்திருந்தாலும், நடைமுறையில் மைய அரசானது ஒற்றையாட்சி தன்மைகளையே கொண்டு இயங்குகிறது. மாநில அரசுகளை தனது கட்டுப்பாட்டில் வைத்துக் கொண்டு ஆட்டிப் படைக்கிறது. மாநில அரசுகளுக்கான உரிமைகள் மற்றும் அதிகாரங்களை வழங்க மறுப்பதுடன், இருப்பனவற்றையும் தட்டிப்பறிப்பதில் குறியாக இருக்கிறது. கூட்டாட்சி முறையை சீர்குலைக்கும் பாஜக  மாநில அரசுகளுக்கு போதிய அதிகாரங்களை வழங்காதது மட்டுமின்றி, நடைமுறையில் உள்ள ஒரு சில அதிகாரங்களையும் மைய அரசு பறித்து வருகிறது. இதன்மூலம், மாநில அரசுகளை பலவீனப்படுத்...

ராய் லட்சுமி ராய் லட்சுமி தமிழ்த் திரைப்பட ரசிகர்களுக்கு மிகவும் பரிட்சயமான பெயர். அவர் நடிப்பில் வெளியான மங்காத்தா, காஞ்சனா, அரண்மனை 2 போன்ற திரைப்படங்களில் ராய் லட்சுமி வரும் காட்சிகளிலெல்லாம் ரசிகர்களின் இதயத்துடிப்பினை அதிகரிக்கச் செய்தவர். லட்சுமி ராய் என்கிற பெயரை சமீபத்தில் அவர் ராய் லட்சுமி என மாற்றிக்கொண்டார். பாலிவுட்டில் கால்பதிக்கும் ராய் லட்சுமி பாலிவுட்டில் தனது முதல்படத்தில் நடித்துள்ளார் ராய் லட்சுமி. அந்த திரைப்படத்தின் பெயர் ஜூலி 2. ஒரு நடிகையின் வாழ்வினை விவரிக்க கூடிய கதை போன்று தெரிகிறது. அதிகப்படியான கவர்ச்சி நடிகை ஒருவரின் வாழ்வினை விவரிக்கும் கதை ஆதலால் அதிகப்படியான கவர்ச்சியினை வாரி வழங்கியுள்ளார். இன்று வெளியான ஜூலி 2 படத்தின் ட்ரைலர் ரசிகர்களை குஷியில் ஆழ்த்தியுள்ளது. திரைப்படம் எப்போது வெளியாகுமென காத்திருக்கின்றனர் அவர்கள். https://www.youtube.com/watch?v=IPUEzAJvwmo

காமம் என்பது காதலின் உச்சமாக, பெரும் அன்பின் நீட்சியாக இருந்திட வேண்டுமென்பதுவே பெண்களின் அதிகபட்ச ஆசையாக இருந்திடக்கூடுமென்பது மறுக்கவியலாது உண்மை. உடலுறவில் ஆணைவிட பெண்ணுக்குக் உச்சம் தாமதப்படுகிறது என்பதற்கு என்ன காரணம் என்று தெரியுமா?... அப்படி தாமதமாவதற்கு உறவில் ஈடுபடும் அந்த ஆண் மற்றும் பெண் மட்டுமே காரணமாகிவிட முடியாது. வரலாற்று ரீதியாக பெண்ணின் பாலியல் வெளிப்பாடு ஒடுக்கப்பட்டிருப்பதே காரணம் என்று சில ஆய்வு முடிவுகளும் தெரிவிக்கின்றன. உச்சகட்டம் என்பதை அறியாத இந்தியப் பெண்கள் 80 சதவீதத்துக்கும் மேல் இருக்கின்றனர். எது உச்சம் என்பதை உணராத பெண்கள் நிறைய பேர். மேலும், பெண்ணை உச்சகட்டம் அடையவைப்பது ஆண்களைப் போல சாதாரண விஷயமல்ல. கிளைட் மசாஜ் தொடங்கி ஜி ஸ்பாட் வரை அது தொடர்கிறது. ஆண் பெண் சேர்ந்து உடலுறவு மேற்கொண்டாலும் ஒரு பெண்ணை எந்த ஆணும் உச்சகட்டத்துக்குக் கொண்டுசென்றுவிட முடியாது. அந்த பெண் மனது வைக்காமல் எந்தவொரு பராக்கிரமசாலியாலும் அந்த பெண்ணை உறவில் திருப்திப்படத்திவிட முடியாது. அதாவது, ஒரு பெண் உறவில் சுதந்திரமாக ஈடுபட்டு தன் மனநிலை மற்றும் உடலைத் தயார்படு...

இயக்குனர் பா.ரஞ்சித் இயக்கத்தில், ரஜினிகாந்த் நடிப்பில் வெளியான கபாலி திரைப்படத்தில் இடம்பெற்றிருந்த 'நெருப்புடா' பாடல் ரசிகர்களின் அதிகப்படியான கவனம் ஈர்த்தது. அந்த திரைப்படத்தினை நினைவு கூறத்தக்க பாடல்களில் ஒன்றாகவும் அது அமைந்தது. அருண்ராஜா காமராஜ் தொடர்ச்சியாக பல திரைப்படங்களில் பாடல்கள் எழுதிவருகிறார். ராஜாராணி திரைப்படத்தில் நடிக்கவும் செய்திருந்தார். இந்நிலையில், அவர் மகளிர் கிரிக்கெட் குறித்து படம் இயக்கவுள்ளதாகவும், அதில் மகளிர் கிரிக்கெட்டில் நிலவிடும் சூழலினை பதிவு செய்திடும் வகையிலும் அந்த திரைப்படம் இருந்திடக்கூடுமெனவும் கருதப்படுகிறது. அருண்ராஜா காமராஜ் இயக்கும் படத்திற்கு தன்னாலான உதவிகளை செய்வதாக கூறியிருக்கிறார் முன்னாள் இந்திய மகளிர் அணியின் வீராங்கனையும், பயிற்சியாளருமான தேவிகா பல்ஸிகார். இதனால், அந்த திரைப்படத்திற்கான கதைக்களம் மேலும் வலுவடையும் என கூறப்படுகிறது.

குலக்கல்வி முறையை புகுத்த துடிக்கும் பாஜக ; குனிந்த தலை நிமிராத அதிமுக.! குலக்கல்வி முறை: ஆண்டாண்டு காலமாக சாதியத்தின் பெயராலும், மதத்தின் பெயராலும் ஒடுக்கப்பட்டு அடிப்படை உரிமைகள் கூட மறுக்கப்பட்ட சமூகத்தின் விளிம்புநிலை, தாழ்த்தப்பட்ட, பழங்குடியின மக்களின் விடிவுக்காய் பாடுபட்ட சமூகநீதி  அடிப்படையில் செயற்பட்டு வர்ணாசிரம, குலக்கல்வி முறையை ஒழித்திட திராவிட இயக்கங்கள் இன்னமும்  இந்த மண்ணில் வீரியமாக  செயற்பட்டுக்கொண்டிருக்க போதேதான், தனக்கு கல்வி பயில வாய்ப்பு மறுக்கப்படுகிறதென ஓர் எளிய தாழ்த்தப்பட்ட குடும்பத்து பெண் பரிதாபகரமாக தற்கொலை செய்துகொண்டு இறந்துபோயிருக்கிறாள். எத்துணை பெரிய பேரவலம் இது. கையாலாகாத அதிமுக ; காவி பயங்கரவாத பாஜக: தமிழக பாடத்திட்டத்தின் படி படித்த மாணவி அனிதா தேவைக்கு அதிகமான மதிப்பெண்களை பெற்றிருந்த போதிலும் அந்த மாணவிக்கு மருத்துவ படிப்பு மறுக்கப்பட்டது. காரணம் நீட் நுழைவுத்தேர்வு. பள்ளி இறுதி வகுப்பு பாடத்திட்டத்தின் வழி நீட் நுழைவுத்தேர்வு நடத்தப்பட்டிருந்தால் அனிதா வென்றிருப்பாள். ஆனால், நீட் நடத்தப்பட்டது மத்திய பாடத்திட்டத்தின...

அதிகாரத்தினாலேயே சமூகத்தினை மாற்றிட முடியும் ; உ.தா ரோகிணி ஐஏஎஸ் எளியோர்கள், ஏழைகள், விளிம்புநிலை மக்கள் என இன்னமும் இன்னல் படுகிற மக்கள் சமூகத்தில் வாழ்ந்துகொண்டிருக்கிறார்கள். அவர்களின் வாழ்வாதாரத்தினை உயர்த்திட அரசுகள் திட்டங்கள் தீட்டி அதனை செயற்படுத்துவதாக கூறிக்கொண்டாலும் ஓர் பாரிய மாற்றம் இங்கு நிகழ்ந்துவிட்டதாக கூறி விட முடியாது. அரசினை நடத்தி செல்பவர்கள் ஐந்து ஆண்டுகளுக்கு மாறுகிற அரசியல் கட்சி தலைவர்கள் மட்டுமல்ல, பணி ஓய்வு பெறுகிற வரை பதவியில் ஆட்சியாளர்களும் தான். அதாவது அரசாங்க அதிகாரிகளும் தான். இதனையே அறிஞர் அண்ணா அரசாங்க அதிகாரிகள் சரியாக செயற்படாவிட்டால் அந்த அரசாங்கத்தினால் தீட்டப்படுகிற திட்டங்கள் அனைத்துமே பாழ் என்றார். அதுவே நூறு சதவிகிதமான உண்மையும் கூட. அரசினை நடத்தி செல்வதில் முன்னிலை வகிப்பவர்கள் ஐஏஎஸ், ஐபிஎஸ் அதிகாரிகள். இவர்களில் ஐஏஎஸ் அதிகாரிகளே தமது துறை சார் புதிய திட்டங்களை அறிமுகப்படுத்தி அதனை செயற்படுத்துபவர்கள். அத்தகைய ஐஏஎஸ் அதிகாரிகளில் ஒருவர்தான் தற்போதைய சேலம் மாவட்டத்தின் முதல் பெண் ஆட்சியர் ரோகிணி ஐஏஎஸ். கடந்த சில நாட்களுக்கு முன் எவ்...

தங்கமகள் அனிதாவுக்காக குரல் கொடுத்த 9 வயது அமெரிக்க வாழ் தமிழ் சிறுமி.. வீடியோ உள்ளே சிபிஎஸ்இ பாடத்திட்டத்தின் அடிப்படையில் நடத்தப்பட்ட நீட் நுழைவுத் தேர்வின் அடிப்படையிலேயே மருத்துவ படிப்புகளுக்கான சேர்க்கை நடத்தப்படுமென மத்திய அரசு அறிவித்த நிலையில், தமிழக பாட திட்டத்தின் அடிப்படையில் கல்வி கற்று மருத்துவ படிப்பில் சேர்வதற்கு தேவைக்கு அதிகமான மதிப்பெண்களை பெற்றிருந்த சமூகத்தின் விளிம்பு நிலையை சேர்ந்த அரியலூர் மாணவி அனிதா, தனக்கு கிடைத்திட வேண்டிய மருத்துவ படிப்பினை சூழ்ச்சியின் மூலம் தடுத்த அரசுகளால் மனமுடைந்து நேற்றைக்கு முன் தினம் தற்கொலை செய்துகொண்டு உயிரிழந்தார். அனிதாவின் மரணத்தால் தமிழகம் முழுவதும் போராட்டங்கள் நடந்துவரக்கூடிய சூழலில், உலகு முழுதும் வாழ் தமிழர்களும் அனிதாவுக்கு இரங்கல் தெரிவித்து வருகின்றனர். மலேசியா, சிங்கப்பூர், அமெரிக்கா, ஜெர்மனி உள்ளிட்ட நாடுகளில் வாழும் தமிழர்கள் நேற்று அனிதாவுக்கு அஞ்சலி செலுத்தி வருகின்றனர். இந்நிலையில், அனிதாவுக்காக, 9 வயதே ஆன அமெரிக்க வாழ் தமிழ் சிறுமி பேசும் வீடியோ வெளியாகியுள்ளது. அதில், அனிதாவின் கல்வி திறன், குடும...

எங்கள் தங்கை டாக்டர் அனிதாவுக்கு ஓர் எளியோனின் கவிதை அஞ்சலி.! அரியலூர் மாவட்டத்தில் பிறந்திட்ட தமிழினத்தின் தங்கமகள் அவள்.. எங்கள் அனிதா ஏழ்மையின் பிடியில்   வளர்ந்தாலும்   அவளின் கனவுகள்   எப்போதும் உயர்ந்தவனவாகவே   இருந்தன.. கழிப்பறை வசதி இல்லாத வீட்டில் ஆயிரம் கனவுகளைச் சுமந்து சிறகடித்த பறவை அவள்.. மூட்டை தூக்கும் தகப்பனுக்கு பிறந்திட்ட ஏழைச் செல்வம் அவள்.. மருத்துவராகிட வேண்டும் தம்மைப் போன்ற எளியோர்க்கு சேவையாற்றிட வேண்டும் என்பதே ஒற்றைக் குறிக்கோளாய் கொண்டிருந்த அவளுக்கு மரணத்தை பரிசளித்தது நீட் எனும் பேர்அரக்கன்.. ஆம், மக்களுக்காக சேவையாற்றிட வேண்டியவர்கள் தம் கடமை மறந்து போக தம் கண் முன்னே தனது கனவுகள் சருகாகிப்போவதனை தாங்கிக்கொள்ள இயலாத அந்த பிஞ்சு நெஞ்சம் தற்கொலை செய்துகொண்டது.. பள்ளி இறுதி வகுப்பில் போதிய மதிப்பெண்கள் இருந்தும் ; ஆட்சியர்களின் அறிவு போதாமையால் பறிபோயிருக்கிறது எங்கள் அனிதாவின் பிஞ்சு உயிர்.. கல்வியையும், மருத்துவத்தினையும் தனியார் மயமாக்கிவிட்டீர் ; அதற்கு காவு கொடுக்கிறீர்கள் எங்களை போன்ற எளியோர்களை.. நீட்...